Hello Twin, ukweli mchungu ni kwamba Bongo hata ukiwa na pesa bado utaishi maisha ya kubahatisha tu kwa sababu nchi nzima haina basic standards.
Yani unakuwa kama mfalme kwenye kisiwa cha takataka, ndani kwako ni kuzuri, lakini ukifungua tu geti unakutana na fujo, vumbi, foleni za kijinga, na miundombinu iliyochoka. Unanunua gari la kifahari halafu linaharibika suspension ndani ya mwaka mmoja kwa sababu ya mashimo barabarani, unalipa kodi kubwa halafu bado unachimba kisima chako mwenyewe, unafunga solar na majenereta, na unaajiri walinzi binafsi kwa sababu huduma za umma zimefeli.
Mbaya zaidi, hata kwenye huduma za afya au usalama, pesa yako haikupi uhakika wa kupona ukipata dharura usiku kwa sababu hakuna mfumo wa dharura unaoeleweka, unaishia kufa kizembe tu ukiwa na mamilioni yako benki.
Ndiyo maana wanaopata nafasi wanaenda nchi zilizoendelea si kwa sababu kule kuna pesa za bure, bali kule mfumo tayari umeshatengeneza quality of life, kwa hiyo hata ukiwa na kipato cha kawaida unaishi kwa heshima na amani ya akili kuliko tajiri wa huku anayetumia nguvu nyingi kujilinda na mazingira mabovu.