Unafurahi kuzaliwa na kuishi Tanzania?
Umewahi kusikia watu wakisema hawapendi nchi walizozaliwa?
Leo katika kipindi cha Amka na BBC kuna taarifa nimesikia kuhusu wahamiaji kutoka nchi za Nicaragua na Honduras
Wanawake kwa wanaume pamoja na watoto wanafunga safari wakipitia nchi ya Mexico na kujaribu kuvuka mpaka kuingia Marekani kwa madai ya kutafuta maisha bora
Hata kwetu kuna watu wamekuwa wakiondoka na kwenda nchi nyingine
Watanzania wengi wapo Afrika Kusini mpaka tumeona miezi ya nyuma walivyofurushwa na kurudi nyumbani tena kwa msaada wa serikali wengine wakiwa na muonekano wa kutia shaka
Watanzania wengi pia wapo Ulaya kujitafutia kipato
Wengine wanatamani kurudi nyumbani lakini wenyewe wanadai nyumbani Tanzania pamekuwa pachungu sana na hawavutiwi tena licha ya kua wana pakumbuka
Nina rafiki yangu yupo USA anasema anatamani kurudi bongo hasa mitaa aliyokulia ila havutiwi tena
Nimegundua
Nchi nyingi ambazo wananchi wake wanazikimbia zina mazingira magumu ya kuishi
Nitaongelea hapa Tanzania kwetu
Tunaweza kukubaliana kwamba nchi hii ni ngumu na haivutii kuishi, labda uwe na kiwango fulani cha maisha la sivyo ni shida sana
Umewahi kwenda kwenye hospitali za umma? Msongamano mazingira yasiyo rafikiI mean uchafu umeshuhudia?
Usafiri wa umma daladala alooo!
Watu wanajazwa kuliko hata uwezo wa daladala
Humo ndani ni kukanyagana
Mtu anaenda kazini alfajiri kuwahi foleni anarudi anadandia gari kama vile nyani wanavyodandia miti unapanda daladala unaogopa kugusa hata lile bomba mana lina majasho ya kila namna
Msongamano harufu za kila aina zisizovutia unaweza kupata depression
Masoko jamani! Masokoni ukienda huko kipindi cha mvua uvae gumboots, la sivyo unarudi kama umetoka kulima mpunga
Umewahi kwenda Soko la Mabibo kipindi cha mvua?
Machinga wamezagaa ma barabarani watembea kwa miguu unapishana na magari pkpk bajaji uso kwa uso vipaza sauti, sumu za mende, kunguni.
Yaani unatembea unahisi kuchanganyikiwa
Hayo ni machache kati ya yale mengine mengi
Hivi, muda huu unavutiwa na kuishi Tanzania?
Umezaliwa Tanzania 🇹🇿 na unatamani kuondoka?
Ni nini sababu yako?
ShesRise_1 ✋️
Mkuu salama? Like always I like you.
Kuhusu maada ya Leo, naomba niandike kwa herufi kubwa NAPENDA KUZALIWA TANZANIA, NA SIKU ZOTE NAFURAHIA KUISHI TANZANIA. NDANI YA MOYO WANGU TANZANIA NI YA PEKEE SANA.
Sijatembea sana kuzunguka nchi za watu lakini nimeizunguka Tanzania karibia yote, nimeishi mikoa zaidi ya 20 hapa Tanzania, nimetembea wilaya zaidi ya 60 pia katika kutembea nimeishi na jamii tofauti sana, niseme tuu ukweli wangu Tanzania ni nzuri sana, Tanzania inafursa za Kila aina na mwisho Tanzania inapendeza sana ukiiangalia kwa jicho la uzuri.
Nakubaliana nawewe mtoa maada kuhusu baadhi ya kero, mfano
1. Barabara ni mbovu sana katika baadhi ya wilaya hapa nchini. Kuna mwaka nilishawahi kwenda Manyara, wilaya sijui ni kata inaitwa Hydom aisee nilitamani safari iishie njiani maana barabara ni mbovu sana, matope na utelezi.
2. Kuna vijiji hakuna kabisa huduma za afya na kama zipo bhasi ni za viwango duni sana. Nilishawahi kuwa katika Kijiji Fulani nikazidiwa kwenda zahanati nakuta umeme hakuna na dokta hawezi kufanya kazi gizani, nikachukua boda kwenda hospital ya kata, napo nilifika nikamkuta mtu wa mapokezi tuu, nikaandikisha alafu nikapewa dawa ya kuzuia kutapika kwa sababu dokta hakuwepo 😡😡😡💔 na elfu 20 ikaishia kuandikisha na kupewa dawa ya kuzuia kutapika tuu. Ilikua mida mibovu sana around saa6 usiku ikanilazimu kwenda km 20 ili kuifuata hospital ya misheni ndio nikalazwa huko😡😡😡💔. Nilitumia gharama kubwa sana kwa tatizo la kawaida kabisa. Hivyo Kuna umuhimu wa Serikali kuboresha huduma za afya hasa hasa vijijini.
3. Kero za usafiri mijini, hili suala ndilo Huwa linanifanya napakimbia daslam, kwakweli Hilo Jiji foleni zimezidi, hiyo kitu inarudisha sana nyuma uchumi wa watu binafsi na hasa vijana ambao hawana option za ziada.
4. Kuhusu kero za uchafu masokoni, hizi ni sisi wananchi ndio tunasababisha. Binafsi huwa sinunui kitu mahali pachafu, nitakupa mfano wa Mbeya wale ndugu zangu ni wachafu sana Yaani hawajali kabisa mazingira ya usafi hivyo hata Mimi niliamua kutafuta mazingira yangu ya usafi ili niishi kwa amani.
5. Ukosefu wa elimu, hii ni changamoto kubwa sana katika nchi yetu. Ukienda vijijini unaweza ukatoa machozi, watu wanaishi katika mazingira magumu na mabaya sana lakini sio kwamba hayo mazingira hayafai kuishi watu, Bali watu wamekosa uelewa wa kurahisisha mazingira yao yawe Bora kwa wao kuishi. Unakuta mtu anang'ombe zaidi ya 30 lakini anakaa nyumba ya hovyo sana, watu wanalima alizeti lakini wanakula mboga bila mafuta😡😡😡💔. Hapa naungana na sera ya late E.N.L ELIMU,ELIMU,ELIMU. Serikali ijielekeze katika kuwasaidia watu kujikomboa, tuachane na hii elimu ya mkoloni ambayo inamaliza rasilimali za familia na kuleta umaskini.
6. Mazingira wezeshi kwa vijana wanaoamua kufanya shughuli za kujiinua kiuchumi. Nimeishi sehemu nyingi nimekutana na vijana wengi na kuwasikiliza, wengi wao wanafanya kazi kwa bidii sana lakini matunda ni madogo au hayapo kabisa kwasababu ya kukosa mazingira wezeshi. Mazingira wezeshi inahusisha kwenye mifumo ya kikodi, elimu ya kuendeleza miradi Yao na pia madalali wanaua sana mitaji ya vijana hasa pale wanapotaka kuingia katika masoko makubwa hasa Dar es salaam. Pia serikali ilitakiwa itoe misamaha ya kikodi kwa makampuni ya vijana wa kitanzania kama ambavyo inatoa kwa makampuni ya nje.
7. Kutekana, kuuana, kutishiana maisha na siasa za kipumbavu ndio zinaipa taswira mbaya nchi yetu. Hope Kuna siku tutatoka kwenye hili ombwe.
Haya ni baadhi tuu ya kero ninazoziona hapa nnchini kwetu lakini nchi yetu Bado ni nzuri sana kwa kuishi.