Bi Kirembwe,
Ni sawa kuwahoji CUF wamefanya nini, lakini wao hawaushiki mfuko wa Bajeti za matumizi au maendeleo. Wanachopewa wao ni ruzuku na mishahara. Sasa unatarajia vipi hata wakitoa michango ya 10% ya mishahara yao kuwa Pemba kutakuwa na maendeleo?
Maslahi ya Pemba na Wapemba ni jukumu la kila mtu na dhamana kubwa imepewa Serikali ya Muungano na Serikali ya Baraza la Mapinduzi. Ikiwa dhamira za Wapemba ni kuwa wao haikubali CCM, ndipo basi Serikali ya CCM iamue kuwaadhibu kwa makusudi, huoni kuwa hiyo ni ubaguzi na dhambi?
Tujaribu kuwa na upeo mpana katika kujadili hii kadhia... Pemba ni sehemu ya Zanzibar na imekuwa ikipata mahitaji ya lazima kama inavyohitajika na kadiri ya uwezo wa SMZ. Katika kuhakikisha hilo kila kinachofanyika Unguja katika eneo la maendeleo basi hufanyika vilevile huko Pemba.
Ujenzi na matengenezo ya barabara yafanyikao Pemba huenda sambamba na yale yafanyikao Unguja. Ujenzi wa Nyumba, hospitali, skuli n.k yote hufanyika sawa na Unguja.
Tatizo kubwa la kisiwa cha Pemba ni Umeme, ambapo hadi leo wanatumia majenereta hivyo kuwa ghali mno na kufanya upatikane kwa mgao. Hata hivyo zipo juhudi za kufunga umeme tokea Tanga kwa mfumo ule ule wa kidatu-unguja.
Kuna Matatizo ya maji, lakini haya yanatapatiwa uvumbuzi kwa ushiriki wa Wakaazi wa Pemba na SMZ.
Katika Awamu zote za SMZ, awamu ya Karume imefanya mengi mno huko Pemba kuliko awamu zingine zote ukiondoa awamu ya kwanza ya Marehemu Karume.
Hata hivyo jitihada nyingi za SMZ zimekuwa zikifunikwa na ushabiki mkubwa wa kisiasa, na hasa ikizingatiwa kuwa huko Pemba ndio ngome kuu ya CUF. Waakazi wa huko wengi wao hawapendi kuishi huko na kila mmoja apatae nafasi ya kuondoka kule hufanya hivyo na wengi hupenda kukimbilia Mkoa wa Mjini Magharibi. Hili ni tatizo ambalo lipo dunia kote la watu kukimbilia mijini. na sio huko Pemba pekee.
Tatizo la mafuta Zanzibar lipo na litaendelea kuwepo iwapo hatua za makusudi hazitachukuliwa kuondoa ukiritimba katika usambazaji wa mafuta visiwani humo. Meli inayotumika kuleta mafuta Zanzibar ni ndogo na hata hailingani na ukuaji wa kasi wa visiwa hivyo, ingawa kuna wakati fulani fulani meli zingine zimekuwa zikikodiwa kuleta mafuta visiwani humo. Meli ya sasa ilinunuliwa wakati ule wa awamu ya kwanza. Na sasa imeshachoka.
Msambazaji wa mafuta ni mtu/kampuni moja mmoja, hakuna ushindani wa kuleta na kusambaza mafuta visiwani humu. Hii inatokana na kuwa SMZ ndio wapangaji wa bei. Sehemu za kuhifadhi mafuta visiwani humo ni ndogo mno.
Hakuna sehemu yeyote ile katika Tanzania ambayo unaweza kuuziwa mafuta katika mfuko wa Rambo zaidi ya Zanzibar. Hii pekee inaonyesha ni kwa namna gani mafuta ni tatizo visiwani humo. Bei ya mafuta katika visiwa hivi ni tofauti kabisa na ile ya Bara, na hili ukiliangalia kwa upeo litakupa hali halisi ya upatakinaji wa mafuta visiwani humo.