Kuna sababu kadhaa za msingi zinazosababisha Mahusiano/Ndoa za siku hizi kutokudumu.Mabadiliko yanayoletwa na "Utandawazi" na kubadili kabisa mfumo sahihi wa maisha umetupotosha kwa kiasi kikubwa sana ktk suala zima la mapenzi.Kinachotokoea ni kwamba ile falsafa ya kujitoa kwa hali yeyote kwa mwenzio kukiambatana Kupendana,Kuheshimiana na Kusameheana kumepoteza maana siku hizi.Vijana walio wengi wanasukumwa na taswira ya nje ya mtu badala ya ndani ambayo unataraji kuishi nayo kwa muda mrefu,matokeo yake ni utofauti wa tabia na mienendo baiona yao.Sababu nyingine za msingi zinazoleteleza mifarakano ni zifuatazo:
1.Pesa imetokea kuwa na ushawishi mkubwa sana nyakati hizi kwenye mahusiano ya walio wengi japo ina umuhimu wake pia.
2.Uchumba wa siku hizi umekuwa ni wa muda mfupi sana usiotoa wasaha mzuri kumfahamu mwenza wako kiundani ili kujua mapungufu ya kila mmoja.
3.Haraka za kuwahi kuoa/Kuolewa pasipo maandalizi sahihi ya maisha yenyewe nayo imetokea kusumbua wengi.
4. Mbwembwe na kujikweza kuwa mmojawapo wa walio ndani ya Ndoa kwa minajili ya kupata heshima na hadhi nayo imetokea kuchangia wengi kufanya maamuzi ya kukurupuka pasipo utafiti.
5.Taswira ya nje inayoonekana kwa baadhi ya wanandoa tofauti na uhalisia wa ndani imetokea pia kuwapumbaza vijana wengi kukimbilia Ndoa pasipo tafakuri.
6.Desturi iliyokuwapo huko nyuma kuwa mke ni mtu wa kumtumikia na kumnyenyekea mume muda wote imebadili sana mfumo wa maisha ya wanandoa wengi.Nyakati hizi wasichana wengi wameelimika na hivyo kufanya kazi zenye vipato vya kutosha kukidhi mahitaji yao na hivyo kutomtegemea sana mwanaume.
Kwa kifupi nyakati za leo zinahitaji umakini sana wa maamuzi ya kuoana tofauti na hapo nyuma maana mfumo wa maisha umebadilisha misingi ya Mahusiano na Ndoa iliyokuwapo hapo awali.Hii ndio changamoto inayowakabili vijana wengi hivi sasa maana mapenzi yamekuwa ya upotoshaji kwa kiasi kikubwa.